سیدنا ابو سعید خدری رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”ایک ایسا بندہ جنت میں داخل ہو گیا جس نے کبھی کوئی نیکی نہیں کی تھی۔ جب اس کی وفات کا وقت آیا تو اس نے اپنے گھر والوں سے کہا: جب میں مر جاؤں تو مجھے جلا دینا، پھر مجھے پیس دینا، پھر میرا آدھا حصہ سمندر میں اور آدھا خشکی میں اڑا دینا۔ (اللہ تعالیٰ نے) سمندر اور خشکی کو حکم دیا تو انہوں نے اسے جمع کر دیا، پھر (اللہ تعالیٰ نے) فرمایا: تجھے اس کام پر کس چیز نے آمادہ کیا؟ اس نے کہا: تیرے خوف نے۔ تو اسی وجہ سے اللہ نے اسے بخش دیا۔“ [مسند أبي يعلى الموصلي/من مسند أبي سعيد الخدري/حدیث: 1001]