سیدنا ابو سعید خدری رضی اللہ عنہ سے روایت ہے کہ انہوں نے رسول اللہ صلی اللہ علیہ وسلم کو فرماتے ہوئے سنا: ”میں نے مدینہ کے دونوں سنگلاخ میدانوں کے درمیان (کے علاقے) کو اسی طرح حرم قرار دیا ہے جس طرح ابراہیم (علیہ السلام) نے مکہ کو حرم قرار دیا تھا۔“ راوی کہتے ہیں: سیدنا ابو سعید رضی اللہ عنہ ہم میں سے کسی کو اس حال میں پاتے کہ اس کے ہاتھ میں کوئی پرندہ ہوتا جسے اس نے پکڑ رکھا ہوتا، تو آپ اسے اس کے ہاتھ سے چھڑا کر آزاد کر دیتے۔ [مسند أبي يعلى الموصلي/من مسند أبي سعيد الخدري/حدیث: 1010]