سیدنا ابوبکر صدیق رضی اللہ عنہ سے روایت ہے کہ نبی کریم صلی اللہ علیہ وسلم نے ایک جگہ قیام فرمایا، تو ایک خاتون نے اپنے بیٹے کے ہمراہ آپ صلی اللہ علیہ وسلم کی خدمت میں ایک بکری بھیجی، آپ صلی اللہ علیہ وسلم نے اس کا دودھ نکالا اور ارشاد فرمایا: ”اسے اپنی والدہ کے پاس لے جاؤ“، چنانچہ اس خاتون نے وہ دودھ پی لیا یہاں تک کہ وہ سیراب ہوگئیں، پھر وہ لڑکا ایک اور بکری لے کر آیا تو آپ صلی اللہ علیہ وسلم نے اسے دوہا اور سیدنا ابوبکر صدیق رضی اللہ عنہ کو پلایا، پھر وہ ایک اور بکری لایا تو آپ صلی اللہ علیہ وسلم نے اسے بھی دوہ کر خود نوش فرمایا۔ [مسند أبي يعلى الموصلي/مسند أبي بكر الصديق رضي الله عنه/حدیث: 103]