سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے اپنے صحابہ کرام رضی اللہ عنہم میں (نماز کی صفوں میں) کچھ پیچھے رہ جانے کا رجحان دیکھا تو ان سے ارشاد فرمایا: ”تم لوگ آگے بڑھو اور میری اقتدا کرو، اور جو تمہارے بعد ہوں وہ تمہاری اقتدا کریں، لوگ مسلسل (خیر کے کاموں اور پہلی صفوں سے) پیچھے ہٹتے رہتے ہیں یہاں تک کہ اللہ عزوجل بھی انہیں (اپنی رحمت اور بلند درجات سے) پیچھے کر دیتا ہے۔“ [مسند أبي يعلى الموصلي/من مسند أبي سعيد الخدري/حدیث: 1065]