سیدنا ابو سعید خدری رضی اللہ عنہ بیان کرتے ہیں کہ میں نے رسول اللہ صلی اللہ علیہ وسلم کو یہ فرماتے ہوئے سنا: ”تم میں سے یقیناً وہ شخص (بھی) ہے جو قرآن کی تاویل پر اسی طرح قتال کرے گا جس طرح میں نے اس کے نزول پر قتال کیا ہے“، تو سیدنا ابوبکر رضی اللہ عنہ نے دریافت کیا: اے اللہ کے رسول! کیا وہ میں ہوں؟ آپ صلی اللہ علیہ وسلم نے فرمایا: ”نہیں“، پھر سیدنا عمر رضی اللہ عنہ نے عرض کیا: اے اللہ کے رسول! کیا وہ میں ہوں؟ آپ صلی اللہ علیہ وسلم نے فرمایا: ”نہیں، بلکہ وہ جوتا گانٹھنے والا ہے“، اور آپ صلی اللہ علیہ وسلم نے (اس وقت) سیدنا علی رضی اللہ عنہ کو اپنا جوتا مبارک مرمت کرنے کے لیے عطا فرما رکھا تھا۔ [مسند أبي يعلى الموصلي/من مسند أبي سعيد الخدري/حدیث: 1086]