سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے منع فرمایا: ”مویشیوں کے پیٹ میں موجود (بچوں) کی خریداری سے جب تک کہ وہ پیدا نہ ہو جائیں، اور ان کے تھنوں میں موجود (دودھ) کی بیع سے الا یہ کہ اسے ناپ لیا جائے، اور بھاگے ہوئے غلام کی خریداری سے، اور مالِ غنیمت کی خرید و فروخت سے جب تک کہ اسے تقسیم نہ کر دیا جائے، اور صدقات کی خریداری سے جب تک کہ ان پر قبضہ نہ کر لیا جائے، اور غوطہ خور کے سودے (یعنی غوطہ خور کے ایک بار غوطہ لگا کر جو چیز نکالے گا اس کی پیشگی بیع) سے۔“ [مسند أبي يعلى الموصلي/من مسند أبي سعيد الخدري/حدیث: 1093]