سیدنا ابو سعید رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”آخری زمانہ میں نسلوں کے پے در پے گزر جانے اور زمانے کے اختتام کے قریب ایک ایسا امام (پیشوا) ہوگا جو لوگوں کو سب سے زیادہ عطا کرنے والا ہوگا؛ اس کے پاس کوئی شخص آئے گا تو وہ اس کی جھولی میں لپ بھر بھر کر مال ڈال دے گا، اس شخص کو یہ فکر لاحق ہوگی کہ اس کے اور اس کے اہل خانہ کے درمیان اس مال کا صدقہ اس سے کون قبول کرے گا، کیونکہ اس وقت لوگوں کو (اس قدر کثرت سے) خیر و بھلائی میسر ہوگی۔“ [مسند أبي يعلى الموصلي/من مسند أبي سعيد الخدري/حدیث: 1105]