سیدنا ابو سعید رضی اللہ عنہ سے روایت ہے کہ رسول اللہ صلی اللہ علیہ وسلم جب رات کو (تہجد کے لیے) کھڑے ہوتے تو نماز کا آغاز تکبیر سے فرماتے، پھر یہ پڑھتے: «سُبْحَانَكَ اللَّهُمَّ وَبِحَمْدِكَ، وَتَبَارَكَ اسْمُكَ، وَتَعَالَى جَدُّكَ، وَلَا إِلَهَ غَيْرُكَ» ”اے اللہ! تو اپنی حمد کے ساتھ پاک ہے، تیرا نام بابرکت ہے، تیری شان بلند ہے اور تیرے سوا کوئی معبود نہیں“، پھر تین مرتبہ «لَا إِلَهَ إِلَّا اللَّهُ» ”اللہ کے سوا کوئی معبود نہیں“، اور تین مرتبہ «اللَّهُ أَكْبَرُ كَبِيرًا» ”اللہ سب سے بڑا ہے، بہت ہی بڑا“ کہتے، پھر یہ پڑھتے: «أَعُوذُ بِاللَّهِ مِنَ الشَّيْطَانِ الرَّجِيمِ، مِنْ هَمْزِهِ وَنَفْثِهِ وَنَفْخِهِ» ”میں شیطان مردود سے اللہ کی پناہ مانگتا ہوں، اس کے وسوسے (اور جنون)، اس کی پھونک (یعنی جادو اور بیہودہ شعر) اور اس کے (پیدا کردہ) تکبر سے“، اس کے بعد قراءت فرماتے۔ [مسند أبي يعلى الموصلي/من مسند أبي سعيد الخدري/حدیث: 1108]