سیدنا ابوسعید رضی اللہ عنہ سے روایت ہے کہ میں نے رسول اللہ صلی اللہ علیہ وسلم کو یہ ارشاد فرماتے ہوئے سنا کہ ”بے شک ابلیس نے اپنے رب سے عرض کیا: تیری عزت اور تیرے جلال کی قسم! میں اولادِ آدم کو اس وقت تک مسلسل گمراہ کرتا رہوں گا جب تک ان کے اجسام میں روحیں باقی رہیں گی، تو اس کے رب نے اس سے ارشاد فرمایا: مجھے میری عزت اور میرے جلال کی قسم! میں بھی انہیں برابر بخشتا رہوں گا جب تک وہ مجھ سے مغفرت طلب کرتے رہیں گے۔“ [مسند أبي يعلى الموصلي/من مسند أبي سعيد الخدري/حدیث: 1273]