اغر ابو مسلم رحمہ اللہ بیان کرتے ہیں کہ میں سیدنا ابو ہریرہ اور سیدنا ابو سعید رضی اللہ عنہما کے متعلق یہ گواہی دیتا ہوں کہ ان دونوں نے رسول اللہ صلی اللہ علیہ وسلم کے متعلق یہ گواہی دی کہ آپ صلی اللہ علیہ وسلم نے ارشاد فرمایا: ”جو لوگ بھی اللہ عزوجل کے ذکر کے لیے بیٹھتے ہیں تو فرشتے انہیں ڈھانپ لیتے ہیں، رحمت انہیں اپنی آغوش میں لے لیتی ہے، ان پر سکینت نازل ہوتی ہے اور اللہ تعالیٰ اپنے پاس موجود (فرشتوں) میں ان کا تذکرہ فرماتا ہے۔“ [مسند أبي يعلى الموصلي/من مسند أبي سعيد الخدري/حدیث: 1283]