سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”عنقریب ایسے حکمران ہوں گے جنہیں لوگوں کے ہجوم (یا آپ صلی اللہ علیہ وسلم نے فرمایا: حاشیہ نشینوں نے) گھیر رکھا ہوگا—شعبہ رحمہ اللہ کہتے ہیں کہ میرا خیال ہے کہ آپ صلی اللہ علیہ وسلم نے یہ الفاظ بھی فرمائے—پھر وہ حکمران ظلم کریں گے اور جھوٹ بولیں گے، پس جس شخص نے ان کے جھوٹ کی تصدیق کی اور ان کے ظلم پر ان کی مدد کی، تو اس کا مجھ سے کوئی تعلق نہیں اور نہ ہی میرا اس سے کوئی تعلق ہے، اور جس نے ان کے جھوٹ کی تصدیق نہیں کی اور ان کے ظلم پر ان کی معاونت نہیں کی، تو وہ مجھ سے ہے اور میں اس سے ہوں۔“ [مسند أبي يعلى الموصلي/من مسند أبي سعيد الخدري/حدیث: 1286]