سیدنا ابوسعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”جس وقت میں سو رہا تھا، میں نے (خواب میں) دیکھا کہ لوگ میرے سامنے پیش کیے جا رہے ہیں اور انہوں نے قمیصیں پہن رکھی ہیں، ان میں سے بعض قمیصیں سینوں تک پہنچ رہی تھیں اور بعض اس سے کم لمبی تھیں، پھر سیدنا عمر بن خطاب رضی اللہ عنہ میرے پاس سے گزرے تو ان پر ایک ایسی قمیص تھی جسے وہ (زمین پر) گھسیٹ رہے تھے“، صحابہ کرام نے عرض کیا کہ اے اللہ کے رسول صلی اللہ علیہ وسلم ! آپ نے اس کی کیا تعبیر فرمائی ہے؟ آپ صلی اللہ علیہ وسلم نے ارشاد فرمایا: ”اس سے مراد دین ہے۔“ [مسند أبي يعلى الموصلي/من مسند أبي سعيد الخدري/حدیث: 1290]