سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”بے شک دنیا سرسبز و شاداب اور شیریں ہے، پس تم اللہ سے ڈرو اور عورتوں (کے فتنے) سے بچو۔“ راوی بیان کرتے ہیں کہ پھر آپ صلی اللہ علیہ وسلم نے بنی اسرائیل کی تین عورتوں کا تذکرہ فرمایا جن میں سے ایک پستہ قد تھی اور دو دراز قد، تو اس (پستہ قد عورت) نے لکڑی کا ایک مصنوعی پاؤں بنوایا یہاں تک کہ وہ ان دونوں کے برابر ہوگئی، نیز اس نے ایک ایسی انگوٹھی بنوائی جس کا ایک ڈھکن تھا اور اسے بہترین خوشبو یعنی کستوری سے بھر دیا، چنانچہ جب وہ کسی مجلس کے پاس سے گزرتی تو اس کا ڈھکن کھول دیتی جس سے کستوری کی خوشبو مہکنے لگتی تھی۔ [مسند أبي يعلى الموصلي/من مسند أبي سعيد الخدري/حدیث: 1293]