سیدنا ابو سعید خدری رضی اللہ عنہ سے روایت ہے کہ وہ بیان کرتے ہیں کہ میں رسول اللہ صلی اللہ علیہ وسلم کی خدمتِ اقدس میں اس وقت حاضر ہوا جب آپ صلی اللہ علیہ وسلم بئرِ بضاعہ کے پانی سے وضو فرما رہے تھے، میں نے عرض کی: اے اللہ کے رسول! کیا آپ اس کنویں سے وضو فرما رہے ہیں حالانکہ اس میں ہر طرح کی بدبودار اور غلیظ اشیاء بھی (بہہ کر) گر جاتی ہیں؟ تو آپ صلی اللہ علیہ وسلم نے ارشاد فرمایا: ”یقیناً پانی کو کوئی بھی چیز ناپاک نہیں کرتی۔“ [مسند أبي يعلى الموصلي/من مسند أبي سعيد الخدري/حدیث: 1304]