سیدنا ابو سعید خدری رضی اللہ عنہ سے روایت ہے کہ انہوں نے اللہ کے نبی صلی اللہ علیہ وسلم کو یہ ارشاد فرماتے ہوئے سنا: ”تمہاری رفاقت و دوستی صرف مومن ہی کے ساتھ ہونی چاہیے اور تمہارا کھانا صرف وہی شخص کھائے جو پرہیزگار ہو۔“ اس روایت کی سند میں راوی ولید بن قیس رحمہ اللہ کے حوالے سے یہ شک موجود ہے کہ انہوں نے اسے براہِ راست سیدنا ابو سعید خدری رضی اللہ عنہ سے سنا ہے یا پھر ابو الہیثم رحمہ اللہ کے واسطے سے ان سے روایت کیا ہے۔ [مسند أبي يعلى الموصلي/من مسند أبي سعيد الخدري/حدیث: 1315]