سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم دجال کا تذکرہ فرما رہے تھے، آپ صلی اللہ علیہ وسلم نے ارشاد فرمایا: ”یقیناً اسے صرف ایک ہی جان (شخص) پر قدرت دی جائے گی، وہ اسے قتل کرے گا اور پھر اسے دوبارہ زندہ کر دے گا، پھر وہ (دجال) اس سے دریافت کرے گا: کیا میں تمہارا رب نہیں ہوں؟ تو وہ شخص جواب دے گا: اس وقت تو میری نظر میں تو پہلے سے بھی زیادہ جھوٹا ثابت ہو گیا ہے“، سیدنا ابو سعید رضی اللہ عنہ بیان کرتے ہیں کہ ہمارا تو یہی خیال تھا کہ وہ مردِ مومن سیدنا عمر بن خطاب رضی اللہ عنہ ہی ہوں گے، یہاں تک کہ وہ وفات پا گئے۔ [مسند أبي يعلى الموصلي/من مسند أبي سعيد الخدري/حدیث: 1366]