سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”بے شک شیطان نے کہا: اے میرے رب! تیری عزت کی قسم، میں تیرے بندوں کو اس وقت تک مستقل گمراہ کرتا رہوں گا جب تک ان کی روحیں ان کے جسموں میں باقی ہیں، تو پروردگار نے ارشاد فرمایا: مجھے میری عزت اور میرے جلال کی قسم، میں بھی انہیں مسلسل معاف کرتا رہوں گا جب تک وہ مجھ سے بخشش طلب کرتے رہیں گے۔“ [مسند أبي يعلى الموصلي/من مسند أبي سعيد الخدري/حدیث: 1399]