سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”قیامت کے دن ایک شخص اپنے باپ کا ہاتھ تھامے گا اور اسے آگ سے پار لے جانا چاہے گا، اس ارادے سے کہ اسے جنت میں داخل کر دے، تب پکارا جائے گا: بے شک جنت میں کوئی مشرک داخل نہیں ہوگا، خبردار! اللہ تعالیٰ نے ہر مشرک پر جنت کو حرام کر دیا ہے، وہ عرض کرے گا: «رَبِّ أَبِي، رَبِّ أَبِي، رَبِّ أَبِي» ”اے میرے رب! میرے والد، اے میرے رب! میرے والد، اے میرے رب! میرے والد“، آپ صلی اللہ علیہ وسلم نے فرمایا: ”چنانچہ اسے ایک بدصورت ہیئت میں بدل دیا جائے گا اور اس سے سخت بدبو آئے گی اور وہ اسے چھوڑ دے گا“، سیدنا ابو سعید خدری رضی اللہ عنہ فرماتے ہیں کہ اصحابِ محمد صلی اللہ علیہ وسلم کا یہ خیال تھا کہ وہ شخصیت سیدنا ابراہیم علیہ السلام ہوں گے، اور رسول اللہ صلی اللہ علیہ وسلم نے ان کے سامنے اس پر مزید کچھ بیان نہیں فرمایا تھا۔“ [مسند أبي يعلى الموصلي/من مسند أبي سعيد الخدري/حدیث: 1406]