سیدنا حارثہ بن وہب الخزاعی رضی اللہ عنہ سے روایت ہے کہ میں نے رسول اللہ صلی اللہ علیہ وسلم کو یہ ارشاد فرماتے ہوئے سنا: ”کیا میں تمہیں اہل جنت کی خبر نہ دوں؟ (وہ) ہر وہ کمزور شخص ہے جسے لوگ ناتواں اور حقیر سمجھتے ہوں، مگر اس کی شان یہ ہو کہ اگر وہ اللہ کے بھروسے پر قسم کھا لے تو اللہ تعالیٰ اس کی قسم کو ضرور پورا فرما دے؛ اور اہل جہنم ہر وہ شخص ہے جو نہایت سرکش، سخت خو اور تکبر کرنے والا ہو۔“ [مسند أبي يعلى الموصلي/مسند حارثة بن وهب/حدیث: 1477]