سیدنا ابن عباس رضی اللہ عنہما سے روایت ہے کہ انہوں نے فرمایا: ”اللہ کی مخلوق میں سے جو شخص بھی تمہیں سلام کرے، تم اسے جواب دو اگرچہ وہ مجوسی (آتش پرست) ہی کیوں نہ ہو، کیونکہ اللہ سبحانہ و تعالیٰ کا ارشادِ گرامی ہے: ﴿وَإِذَا حُيِّيتُمْ بِتَحِيَّةٍ فَحَيُّوا بِأَحْسَنَ مِنْهَا أَوْ رُدُّوهَا﴾ ”اور جب تمہیں سلامتی کی کسی دعا کے ساتھ سلام پیش کیا جائے تو تم اس سے بہتر انداز میں جواب دو یا وہی الفاظ لوٹا دو۔““ [مسند أبي يعلى الموصلي/مسند جندب بن عبد الله البجلي/حدیث: 1530]