سیدنا الحارث بن وقیش رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”جن دو مسلمان والدین کے (نابالغ) چار بچے فوت ہو جائیں، اللہ تعالیٰ اپنے فضل و رحمت کی بدولت ان دونوں کو جنت میں داخل فرمائے گا۔“ ایک شخص نے عرض کیا: اے اللہ کے رسول! اور اگر تین فوت ہوں؟ آپ صلی اللہ علیہ وسلم نے فرمایا: ”تین پر بھی (یہی اجر ہے)۔“ اس شخص نے عرض کیا: اور اگر دو ہوں؟ آپ صلی اللہ علیہ وسلم نے فرمایا: ”اور دو پر بھی۔“ پھر آپ صلی اللہ علیہ وسلم نے مزید ارشاد فرمایا: ”اور یقیناً میری امت میں کوئی ایسا شخص بھی ہوگا جس کی شفاعت کی بدولت قبیلہ مضر کی مجموعی تعداد سے بھی زیادہ لوگ جنت میں داخل ہوں گے۔“ [مسند أبي يعلى الموصلي/مسند الحارث بن وقيش/حدیث: 1581]