سیدنا فلتان بن عاصم رضی اللہ عنہ سے روایت ہے کہ ہم نبی کریم صلی اللہ علیہ وسلم کی خدمتِ اقدس میں حاضر تھے کہ آپ پر وحی نازل ہونے لگی، اور آپ صلی اللہ علیہ وسلم کی کیفیت یہ ہوتی تھی کہ جب آپ پر وحی نازل ہوتی تو آپ کی آنکھیں کھلی رہتیں اور آپ کے کان اور دل اللہ تعالیٰ کی طرف سے نازل ہونے والے کلام کی جانب پوری طرح متوجہ ہو جاتے تھے، راوی کہتے ہیں کہ ہم آپ صلی اللہ علیہ وسلم کی اس کیفیت کو پہچان لیا کرتے تھے، چنانچہ آپ صلی اللہ علیہ وسلم نے کاتبِ وحی سے فرمایا: ”لکھو: ﴿لَا يَسْتَوِي الْقَاعِدُونَ مِنَ الْمُؤْمِنِينَ وَالْمُجَاهِدُونَ فِي سَبِيلِ اللَّهِ﴾ “ راوی بیان کرتے ہیں کہ یہ سن کر ایک نابینا شخص کھڑا ہوا اور عرض کی: ”اے اللہ کے رسول! ہمارا کیا گناہ ہے (کہ ہم معذوری کے باعث اس فضیلت سے محروم رہیں)؟“ پس اللہ تعالیٰ نے مزید وحی نازل فرمائی، ہم نے اس نابینا شخص کو بتایا کہ نبی کریم صلی اللہ علیہ وسلم پر وحی نازل ہو رہی ہے، تو وہ اس ڈر سے وہیں کھڑا رہ گیا کہ کہیں اس کے معاملے میں کوئی سخت حکم نازل نہ ہو جائے اور وہ یہ کہنے لگا: «أَعُوذُ بِغَضَبِ رَسُولِ اللَّهِ» ”میں رسول اللہ صلی اللہ علیہ وسلم کی ناراضی سے پناہ مانگتا ہوں“، راوی کہتے ہیں کہ پھر نبی کریم صلی اللہ علیہ وسلم نے کاتب سے فرمایا: ”لکھو: ﴿غَيْرُ أُولِي الضَّرَرِ﴾ “۔ [مسند أبي يعلى الموصلي/الفلتان بن عاصم/حدیث: 1583]