سیدنا ثابت بن قیس بن شماس رضی اللہ عنہ سے روایت ہے کہ غزوہ بنو قریظہ کے دن انصار کا ایک شخص شہید ہوا جسے خلاد کہا جاتا تھا، ان کی والدہ سے کہا گیا: ”اے ام خلاد! خلاد شہید ہو گیا ہے“، وہ نقاب اوڑھ کر تشریف لائیں تو ان سے کہا گیا: ”خلاد شہید ہو گیا ہے اور آپ اس (غم کی) حالت میں بھی نقاب لگا کر آئی ہیں؟“ انہوں نے جواب دیا: ”اگر میں خلاد کی وجہ سے صدمے سے دوچار ہوئی ہوں تو میں اپنی حیا کے ضیاع کا صدمہ نہیں اٹھانا چاہتی“، پھر لوگوں نے اس بات کا تذکرہ نبی کریم صلی اللہ علیہ وسلم سے کیا تو آپ صلی اللہ علیہ وسلم نے ارشاد فرمایا: ”یقیناً اس کے لیے دو شہیدوں کا اجر ہے“، عرض کیا گیا: ”اے اللہ کے رسول صلی اللہ علیہ وسلم ! وہ کس وجہ سے؟“ آپ صلی اللہ علیہ وسلم نے ارشاد فرمایا: ”اس لیے کہ اسے اہل کتاب نے قتل کیا ہے“۔ [مسند أبي يعلى الموصلي/مسند ثابت بن قیس الأنصاری/حدیث: 1591]