سیدنا عمار بن یاسر رضی اللہ عنہ سے روایت ہے کہ انہوں نے فرمایا: ”ہم رسول اللہ صلی اللہ علیہ وسلم کے ہمراہ ایک سفر میں تھے کہ سیدہ عائشہ رضی اللہ عنہا کا ایک ہار گم ہو گیا، پس لوگوں نے اسے تلاش کرنا شروع کیا یہاں تک کہ صبح ہو گئی اور قافلے والوں کے پاس پانی میسر نہ تھا، تب (تیمم کی) رخصت نازل ہوئی، چنانچہ مسلمانوں نے اٹھ کر اپنے ہاتھوں کو زمین پر مارا اور ان سے اپنے چہروں اور اپنے ہاتھوں کی پشت اور ان کے اندرونی حصوں کا بغلوں تک مسح کیا۔“ [مسند أبي يعلى الموصلي/مسند عمار بن ياسر/حدیث: 1633]