سیدنا عمر رضی اللہ عنہ کے متعلق کُلیب رحمہ اللہ بیان کرتے ہیں کہ میں حج کے ایام میں سیدنا عمر رضی اللہ عنہ سے ملا اور میں نے انہیں خیمے کے پیچھے سے پکار کر کہا کہ میں فلاں بن فلاں جرمی ہوں، اور ہمارے ایک بھانجے کا بھائی بنو فلاں کے پاس قیدی ہے، ہم نے ان پر رسول اللہ صلی اللہ علیہ وسلم کا مقرر کردہ فریضہ (خون بہا یا فدیہ) پیش کیا مگر انہوں نے اسے تسلیم کرنے سے انکار کر دیا، راوی کہتے ہیں کہ تب سیدنا عمر رضی اللہ عنہ نے خیمے کا ایک پہلو اٹھایا اور پوچھا: ”کیا تم اپنے اس آدمی کو پہچانتے ہو؟“ میں نے عرض کیا: جی ہاں، یہی وہ شخص ہے، تب آپ رضی اللہ عنہ نے فرمایا: ”ہم اسے لے کر چلتے ہیں تاکہ یہ تم دونوں کے حق میں رسول اللہ صلی اللہ علیہ وسلم کے فیصلے کو نافذ کر دے۔“ راوی کہتے ہیں کہ ہم یہ تذکرہ کیا کرتے تھے کہ وہ (نبوی) فیصلہ چار اونٹوں پر مشتمل تھا۔ [مسند أبي يعلى الموصلي/مسند عمر بن الخطاب رضي الله عنه/حدیث: 169]