سیدنا عبداللہ بن عمر رضی اللہ عنہما سے روایت ہے کہ سیدنا عمر رضی اللہ عنہ، سیدہ حفصہ رضی اللہ عنہا کے پاس تشریف لائے تو وہ رو رہی تھیں، آپ نے ان سے دریافت فرمایا: ”تمہیں کس بات نے رلا دیا ہے؟ شاید رسول اللہ صلی اللہ علیہ وسلم نے تمہیں طلاق دے دی ہے؟ یقیناً اس سے قبل بھی وہ تمہیں ایک مرتبہ طلاق دے چکے تھے، پھر محض میری خاطر آپ صلی اللہ علیہ وسلم نے تم سے رجوع فرما لیا تھا، اللہ کی قسم! اگر انہوں نے تمہیں دوبارہ طلاق دے دی تو میں تم سے کبھی کلام نہیں کروں گا۔“ [مسند أبي يعلى الموصلي/مسند عمر بن الخطاب رضي الله عنه/حدیث: 172]