سیدنا براء رضی اللہ عنہ سے روایت ہے کہ ”انصار کا معمول یہ تھا کہ جب وہ حج کر لیتے تو اپنے گھروں میں سامنے کے دروازوں کے بجائے پیچھے کی جانب سے داخل ہوتے تھے، پھر انصار میں سے ایک صاحب آئے اور اپنے (گھر کے) دروازے سے ہی داخل ہو گئے تو انہیں اس پر ٹوکا گیا، جس پر یہ آیتِ مبارکہ نازل ہوئی: ﴿وَلَيْسَ الْبِرُّ بِأَنْ تَأْتُوا الْبُيُوتَ مِنْ ظُهُورِهَا﴾ ”اور یہ کوئی نیکی نہیں ہے کہ تم گھروں میں ان کی پشت کی طرف سے داخل ہو“۔“ [مسند أبي يعلى الموصلي/مسند البراء بن عازب/حدیث: 1732]