سیدنا عبداللہ بن عمر رضی اللہ عنہما اپنے والد سیدنا عمر بن خطاب رضی اللہ عنہ سے روایت کرتے ہیں کہ انہوں نے فرمایا کہ میں نے رسول اللہ صلی اللہ علیہ وسلم کو سنا جب کہ آپ ایک دن ایک قبرستان والوں کا تذکرہ فرما رہے تھے، راوی کہتے ہیں کہ آپ صلی اللہ علیہ وسلم نے ان پر نماز پڑھی اور ان کے لیے بکثرت دعا فرمائی، پھر رسول اللہ صلی اللہ علیہ وسلم سے ان کے متعلق دریافت کیا گیا تو آپ صلی اللہ علیہ وسلم نے ارشاد فرمایا: ”یہ عسقلان کے شہداء کے قبرستان والے ہیں، جنہیں جنت کی طرف اس طرح (نہایت اعزاز و اکرام کے ساتھ) لے جایا جائے گا جیسے دلہن کو اس کے شوہر کی طرف رخصت کیا جاتا ہے۔“ [مسند أبي يعلى الموصلي/مسند عمر بن الخطاب رضي الله عنه/حدیث: 175]