ہشام بن ابی رقیہ رحمہ اللہ بیان کرتے ہیں کہ میں نے سیدنا مسلمہ بن مخلد رضی اللہ عنہ کو منبر پر خطبہ دیتے ہوئے سنا، وہ فرما رہے تھے: ”اے لوگو! کیا تمہارے پاس سوتی اور کتان کے ایسے کپڑے نہیں ہیں جو تمہیں ریشم سے بے نیاز کر دیں؟ اور تمہارے درمیان یہ ایک صاحب موجود ہیں جو رسول اللہ صلی اللہ علیہ وسلم سے حدیث بیان کرتے ہیں، اے عقبہ! کھڑے ہو جائیے۔“ پس سیدنا عقبہ بن عامر رضی اللہ عنہ کھڑے ہوئے اور میں خود سن رہا تھا، انہوں نے کہا: ”بے شک میں نے رسول اللہ صلی اللہ علیہ وسلم کو یہ فرماتے ہوئے سنا ہے: «مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ» ”جس نے مجھ پر جان بوجھ کر جھوٹ منسوب کیا، وہ اپنا ٹھکانا جہنم میں بنا لے۔“ اور میں اس بات کی گواہی دیتا ہوں کہ میں نے آپ صلی اللہ علیہ وسلم کو یہ فرماتے ہوئے بھی سنا ہے: «مَنْ لَبِسَ الْحَرِيرَ فِي الدُّنْيَا حَرَّمَهُ أَنْ يَلْبَسَهُ فِي الْآخِرَةِ» ”جس نے دنیا میں ریشم پہنا، اللہ تعالیٰ اسے آخرت میں اسے پہننے سے محروم کر دے گا۔““ [مسند أبي يعلى الموصلي/مسند عقبة بن عامر الجهني/حدیث: 1751]