سیدنا جابر بن عبداللہ رضی اللہ عنہ سے روایت ہے کہ رسول اللہ صلی اللہ علیہ وسلم نے ایک مریض کی عیادت فرمائی اور میں بھی آپ صلی اللہ علیہ وسلم کے ہمراہ تھا، آپ صلی اللہ علیہ وسلم نے اسے دیکھا کہ وہ نماز پڑھ رہا ہے اور سجدہ کرنے کے لیے تکیے کا استعمال کر رہا ہے، تو آپ صلی اللہ علیہ وسلم نے اسے اس عمل سے منع فرما دیا اور ارشاد فرمایا: ”اگر تم زمین پر سجدہ کرنے کی استطاعت رکھتے ہو تو سجدہ کرو، بصورتِ دیگر اشارے سے نماز ادا کرو اور اپنے سجدے کے اشارے کو رکوع کے اشارے کی نسبت زیادہ پست رکھو۔“ [مسند أبي يعلى الموصلي/مسند جابر/حدیث: 1811]