سیدنا جابر بن عبداللہ رضی اللہ عنہ سے روایت ہے کہ ”رسول اللہ صلی اللہ علیہ وسلم (اعلانِ نبوت سے قبل) مشرکین کے ساتھ ان کی محافل و اجتماعات میں شریک ہوا کرتے تھے، ایک مرتبہ آپ صلی اللہ علیہ وسلم نے اپنے پیچھے دو فرشتوں کی آواز سنی جن میں سے ایک اپنے ساتھی سے کہہ رہا تھا کہ ہمارے ساتھ چلو تاکہ ہم رسول اللہ صلی اللہ علیہ وسلم کے پیچھے کھڑے ہوں، تو دوسرے نے جواب دیا کہ ہم آپ صلی اللہ علیہ وسلم کے پیچھے کیسے کھڑے ہو سکتے ہیں جبکہ ابھی کچھ دیر پہلے ہی آپ صلی اللہ علیہ وسلم نے بتوں کو چھونے کی رسم ادا کی ہے؟“ راوی بیان کرتے ہیں کہ ”اس واقعے کے بعد رسول اللہ صلی اللہ علیہ وسلم پھر کبھی مشرکین کے ساتھ ان کے میلوں اور اجتماعات میں شریک نہیں ہوئے۔“ [مسند أبي يعلى الموصلي/مسند جابر/حدیث: 1877]