سیدنا جابر رضی اللہ عنہ سے روایت ہے کہ (زمانہ جاہلیت میں) اہل عرب کو ایک شخص کوچ کرواتا تھا جسے ابوسیارہ کہا جاتا تھا اور وہ اپنے گدھے پر سوار ہوتا تھا، پھر جب رسول اللہ صلی اللہ علیہ وسلم نے حج ادا فرمایا تو قریش (حسبِ روایت مزدلفہ میں) اپنے مخصوص مقامات پر ہی رک گئے اور کہنے لگے کہ ”ہم حُمس (حرم کے مراعات یافتہ طبقہ) ہیں“، مگر آپ صلی اللہ علیہ وسلم (ان کے اس جاہلانہ دستور کے برعکس) آگے روانہ ہوئے یہاں تک کہ آپ صلی اللہ علیہ وسلم نے میدانِ عرفات میں جا کر قیام فرمایا، اور یہی اللہ سبحانہ و تعالیٰ کے اس فرمان کا مصداق ہے کہ ﴿پھر تم وہیں سے کوچ کرو جہاں سے سب لوگ کوچ کرتے ہیں﴾ ۔ [مسند أبي يعلى الموصلي/مسند جابر/حدیث: 1926]