سیدنا جابر رضی اللہ عنہ سے روایت ہے کہ ایک شخص تیروں کے ساتھ مسجد میں داخل ہوا تو رسول اللہ صلی اللہ علیہ وسلم نے اسے ہدایت فرمائی: «خُذْ بِأَنْصَالِهَا» ”ان تیروں کے پیکانوں (نوکوں) کو پکڑ لو“؛ سفیان رحمہ اللہ بیان کرتے ہیں کہ میں نے عمرو بن دینار رحمہ اللہ سے دریافت کیا کہ کیا آپ نے سیدنا جابر رضی اللہ عنہ کو یہ حدیث بیان کرتے ہوئے سنا ہے؟ تو انہوں نے تصدیق کرتے ہوئے فرمایا: ”جی ہاں“۔ [مسند أبي يعلى الموصلي/مسند جابر/حدیث: 1995]