سیدنا جابر رضی اللہ عنہ سے روایت ہے، وہ بیان کرتے ہیں کہ میں نے نبی اکرم صلی اللہ علیہ وسلم کو یہ فرماتے ہوئے سنا: ”یقیناً اہل جنت جنت میں کھائیں گے اور پییں گے، لیکن وہاں نہ تو وہ تھوکیں گے، نہ پیشاب کریں گے، نہ ناک صاف کریں گے اور نہ ہی وہ پاخانہ کریں گے۔“ (سیدنا جابر رضی اللہ عنہ نے) عرض کیا: تو پھر اس کھانے کا کیا انجام ہوگا؟ آپ صلی اللہ علیہ وسلم نے فرمایا: ”وہ ایک ڈکار اور کستوری کی خوشبو جیسے پسینے کی صورت میں (خارج) ہو جائے گا، اور ان کے دلوں میں تسبیح و حمدِ الہٰی اسی طرح الہام کر دی جائے گی جیسے تمہیں (فطری طور پر) سانس لینے کا الہام ہوتا ہے۔“ [مسند أبي يعلى الموصلي/مسند جابر/حدیث: 2052]