سیدنا جابر رضی اللہ عنہ سے روایت ہے کہ نبی کریم صلی اللہ علیہ وسلم کا گزر ایک ایسی جماعت پر ہوا جو مسجد میں قرآنِ کریم کی تلاوت کر رہے تھے، تو آپ صلی اللہ علیہ وسلم نے ارشاد فرمایا: ”تم قرآن پڑھو اس سے قبل کہ ایسی قوم آ جائے جو اسے تیر کی طرح (حروف کی ظاہری درستگی میں) بالکل سیدھا تو کریں گے، وہ اس پر (دنیاوی جزا) جلد حاصل کرنا چاہیں گے اور (اخروی ثواب کے لیے) اسے مؤخر نہیں کریں گے۔“ [مسند أبي يعلى الموصلي/مسند جابر/حدیث: 2197]