سیدنا عبداللہ بن عباس رضی اللہ عنہما سے روایت ہے کہ نبی اکرم صلی اللہ علیہ وسلم نے ایک سفر کے دوران انیس دن تک قیام فرمایا اور اس پوری مدت میں آپ صلی اللہ علیہ وسلم نماز قصر ہی ادا فرماتے رہے؛ سیدنا ابن عباس رضی اللہ عنہما نے (اس سے استدلال کرتے ہوئے) فرمایا کہ ”چنانچہ جب ہم سفر پر نکلیں اور انیس دن تک قیام کریں تو ہم بھی نماز قصر کرتے ہیں، لیکن اگر قیام اس سے زیادہ ہو جائے تو پھر ہم پوری نماز ادا کرتے ہیں۔“ [مسند أبي يعلى الموصلي/أول مسند ابن عباس/حدیث: 2368]