سیدنا ابن عباس رضی اللہ عنہما سے روایت ہے کہ غزوۂ بدر کے دن مشرکین سے حاصل ہونے والے مالِ غنیمت میں سے ایک سرخ مخملی چادر گم ہوگئی تو بعض لوگوں نے کہا: ”شاید نبی صلی اللہ علیہ وسلم نے اسے لے لیا ہو،“ اس پر اللہ تعالیٰ نے یہ آیت نازل فرمائی: ﴿وَمَا كَانَ لِنَبِيٍّ أَنْ يَغُلَّ﴾ ”اور کسی نبی کی یہ شان نہیں کہ وہ خیانت کرے۔“ خصیف رحمہ اللہ بیان کرتے ہیں کہ میں نے سعید رحمہ اللہ سے پوچھا: کیا (آیت کا مطلب یہ ہے کہ) ”کسی نبی کے لیے خیانت کرنا ممکن نہیں؟“ تو انہوں نے جواب دیا: ”بلکہ (مفہوم یہ ہے کہ) نبی کے ساتھ بھی خیانت کی جا سکتی ہے اور اسے قتل بھی کیا جا سکتا ہے۔“ [مسند أبي يعلى الموصلي/أول مسند ابن عباس/حدیث: 2438]