سیدنا عبد اللہ بن عباس رضی اللہ عنہما سے روایت ہے کہ ایک شخص نبی اکرم صلی اللہ علیہ وسلم کی خدمتِ اقدس میں حاضر ہوا اور عرض کی: ”اے اللہ کے رسول صلی اللہ علیہ وسلم ! میری بہن نے پیدل چل کر حج کرنے کی منت مانی ہے،“ تو آپ صلی اللہ علیہ وسلم نے ارشاد فرمایا: ”بلاشبہ اللہ تعالیٰ تمہاری بہن کی (اس بلاوجہ) مشقت اور تکلیف سے کچھ سروکار نہیں رکھتا، اسے چاہیے کہ وہ سوار ہو کر حج کرے اور اپنی قسم کا کفارہ ادا کرے۔“ [مسند أبي يعلى الموصلي/أول مسند ابن عباس/حدیث: 2443]