سیدنا ابن عباس رضی اللہ عنہما سے روایت ہے کہ جب رسول اللہ صلی اللہ علیہ وسلم مدینہ منورہ تشریف لائے تو آپ صلی اللہ علیہ وسلم نے یہودیوں کو عاشورہ کے دن کا روزہ رکھتے ہوئے دیکھا، آپ صلی اللہ علیہ وسلم نے ان سے دریافت فرمایا: ”یہ کون سا دن ہے جس کا تم روزہ رکھتے ہو؟“ انہوں نے جواب دیا: ”یہ ایک عظمت والا دن ہے، یہی وہ مبارک دن ہے جس میں اللہ تعالیٰ نے بنی اسرائیل کو ان کے دشمن سے نجات عطا فرمائی تھی، اسی بنا پر سیدنا موسیٰ علیہ السلام نے اس دن کا روزہ رکھا تھا“، تب رسول اللہ صلی اللہ علیہ وسلم نے ارشاد فرمایا: ”تمہاری نسبت موسیٰ (علیہ السلام) کا میں زیادہ حق دار ہوں“، چنانچہ رسول اللہ صلی اللہ علیہ وسلم نے خود بھی اس دن کا روزہ رکھا اور اس کا روزہ رکھنے کا حکم بھی ارشاد فرمایا۔ [مسند أبي يعلى الموصلي/أول مسند ابن عباس/حدیث: 2567]