سیدنا عبد اللہ بن عباس رضی اللہ عنہما سے روایت ہے کہ انہوں نے فرمایا: ”نماز کی اقامت کہہ دی گئی تھی اور میں نے (فجر کی) دو رکعتیں (سنتیں) ابھی ادا نہیں کی تھیں، چنانچہ نبی کریم صلی اللہ علیہ وسلم نے مجھے وہ دو رکعتیں پڑھتے ہوئے دیکھا تو میرے پاس سے گزرے اور ارشاد فرمایا: ”کیا تم فجر کی نماز چار رکعتیں پڑھنا چاہتے ہو؟“ تو (ان کے شاگرد کی جانب سے) سیدنا ابن عباس رضی اللہ عنہما سے پوچھا گیا کہ کیا یہ بات نبی کریم صلی اللہ علیہ وسلم نے ارشاد فرمائی تھی؟ انہوں نے جواب دیا: ”جی ہاں۔“ [مسند أبي يعلى الموصلي/أول مسند ابن عباس/حدیث: 2575]