طلحہ بن عبداللہ بن عوف رحمہ اللہ سے روایت ہے کہ انہوں نے بیان کیا: میں نے سیدنا ابن عباس رضی اللہ عنہما کی اقتدا میں ایک نمازِ جنازہ ادا کی، تو انہوں نے سورۃ الفاتحہ اور ایک سورت کی تلاوت فرمائی اور اس قدر بلند آواز سے قرآت کی کہ ہمیں سنا دیا، پھر جب وہ نماز سے فارغ ہوئے تو میں نے ان کا ہاتھ تھام کر اس (بلند آواز سے قرآت کرنے) کے متعلق دریافت کیا، تو انہوں نے ارشاد فرمایا: ”یہ سنت اور حق ہے۔“ [مسند أبي يعلى الموصلي/أول مسند ابن عباس/حدیث: 2661]