سیدنا ابن عباس رضی اللہ عنہما سے اللہ تعالیٰ کے ارشاد ﴿وَأَنْتُمْ سَامِدُونَ﴾ کے متعلق مروی ہے کہ ”کفار و مشرکین نبی کریم صلی اللہ علیہ وسلم کے پاس سے اپنی گردنیں تان کر اور تکبر کے ساتھ گزرتے تھے،“ (اس مفہوم کی وضاحت کے لیے انہوں نے فرمایا) «أَلَمْ تَرَ إِلَى الْعِجْلِ كَيْفَ يَخْطِرُ شَامِخًا» ”کیا تم نے بچھڑے کو نہیں دیکھا کہ وہ کس طرح (اپنے سر کو) بلند کر کے اور اکڑ کر چلتا ہے؟“ [مسند أبي يعلى الموصلي/أول مسند ابن عباس/حدیث: 2685]