سیدنا عبد اللہ بن عباس رضی اللہ عنہما سے روایت ہے کہ انہوں نے فرمایا: ”جب تم جمرہ کی رمی کر لو تو تمہارے لیے ہر چیز حلال ہو جاتی ہے سوائے عورتوں کے۔“ اس پر ایک شخص نے دریافت کیا: اے ابوالعباس! کیا خوشبو لگانا بھی حلال ہے؟ انہوں نے جواب دیا: ”جہاں تک میرا تعلق ہے تو میں نے رسول اللہ صلی اللہ علیہ وسلم کو اپنے سرِ مبارک پر مشک ملتے ہوئے دیکھا ہے، اب (تم خود ہی بتاؤ کہ) کیا وہ خوشبو ہے یا نہیں؟“ [مسند أبي يعلى الموصلي/أول مسند ابن عباس/حدیث: 2696]