سیدنا عبداللہ بن عباس رضی اللہ عنہما سے روایت ہے کہ انہوں نے اللہ تعالیٰ کے فرمان ﴿فَلَا رَفَثَ﴾ کی تفسیر میں فرمایا کہ ”’رفث‘ سے مراد جماع (ہم بستری) ہے“، اور فرمانِ الہی ﴿وَلَا فُسُوقَ﴾ کے متعلق فرمایا کہ ”’فسوق‘ سے مراد تمام تر معاصی اور نافرمانیاں ہیں“، جبکہ ﴿وَلَا جِدَالَ فِي الْحَجِّ﴾ کے بارے میں فرمایا کہ ”اس سے مراد ایامِ حج میں بحث و تکرار اور جھگڑا کرنا ہے“۔ [مسند أبي يعلى الموصلي/أول مسند ابن عباس/حدیث: 2709]