سیدنا علی رضی اللہ عنہ سے روایت ہے کہ رسول اللہ صلی اللہ علیہ وسلم میرے پاس سے گزرے جبکہ میں بیماری کی حالت میں یہ دعا کر رہا تھا: «اللَّهُمَّ إِنْ كَانَ أَجْلِي قَدْ حَضَرَ فَأَرِحْنِي، وَإِنْ كَانَ مُتَأَخِّرًا فَارْفَعْنِي، وَإِنْ كَانَ بَلَاءً فَصَبِّرْنِي» ”اے اللہ! اگر میری موت کا وقت قریب آ گیا ہے تو مجھے راحت عطا فرما، اور اگر ابھی اس میں تاخیر ہے تو میری اس بیماری کو دور فرما دے، اور اگر یہ محض آزمائش ہے تو مجھے اس پر صبر کی توفیق عطا فرما۔“ پس آپ صلی اللہ علیہ وسلم نے اپنا دستِ مبارک میرے سینے پر مارا اور فرمایا: «اللَّهُمَّ عَافِهِ وَاشْفِهِ» ”اے اللہ! اسے عافیت عطا فرما اور اسے شفا دے۔“ سیدنا علی رضی اللہ عنہ فرماتے ہیں کہ اس دعا کے بعد مجھے وہ تکلیف دوبارہ کبھی نہیں ہوئی۔ [مسند أبي يعلى الموصلي/مسند علي بن أبي طالب رضي الله عنه/حدیث: 284]