سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم کا ایک حدی خواں (اونٹ ہانکنے والا) تھا جسے انجشہ کہا جاتا تھا اور وہ نہایت خوش الحان تھا، تو نبی کریم صلی اللہ علیہ وسلم نے اس سے فرمایا: ”اے انجشہ! ذرا نرمی اور احتیاط سے کام لو، کہیں ان شیشوں (آبگینوں) کو نہ توڑ دینا۔“ قتادہ رحمہ اللہ نے (اس کلام کی وضاحت میں) فرمایا کہ اس سے آپ صلی اللہ علیہ وسلم کی مراد صنفِ نازک یعنی کمزور عورتیں تھیں۔ [مسند أبي يعلى الموصلي/مسند أنس بن مالك/حدیث: 2868]