سیدنا انس بن مالک رضی اللہ عنہ سے روایت ہے کہ ایک شخص نے عرض کیا: ”اے اللہ کے رسول صلی اللہ علیہ وسلم ! اللہ تعالیٰ نے اپنے بندوں پر کتنی نمازیں فرض فرمائی ہیں؟“ آپ صلی اللہ علیہ وسلم نے ارشاد فرمایا: ”پانچ نمازیں۔“ اس نے عرض کیا: ”کیا ان سے پہلے یا ان کے بعد بھی (بطورِ فریضہ) کچھ ہے؟“ آپ صلی اللہ علیہ وسلم نے ارشاد فرمایا: ”اللہ تعالیٰ نے اپنے بندوں پر پانچ ہی نمازیں فرض کی ہیں۔“ پھر اس شخص نے اللہ کی قسم کھائی کہ وہ ان نمازوں پر نہ تو کوئی اضافہ کرے گا اور نہ ہی ان میں کوئی کمی کرے گا، تو رسول اللہ صلی اللہ علیہ وسلم نے ارشاد فرمایا: ”اگر اس نے (اپنی بات میں) سچائی دکھائی تو وہ جنت میں داخل ہو گیا۔“ [مسند أبي يعلى الموصلي/مسند أنس بن مالك/حدیث: 2939]