سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا: ”میرا روزہ رکھنے کا ارادہ ہے، کیا تمہارے پاس (کھانے پینے کی) کوئی چیز موجود ہے؟“ وہ بیان کرتے ہیں کہ سیدنا بلال رضی اللہ عنہ کے اذان دے دینے کے بعد میں آپ صلی اللہ علیہ وسلم کی خدمت میں ایک تھال لایا جس میں کھجوریں تھیں اور ایک برتن لایا جس میں پانی تھا، تو آپ صلی اللہ علیہ وسلم نے فرمایا: ”کسی ایسے شخص کو تلاش کرو جو (میرے ساتھ) کھانا کھائے“، چنانچہ میں باہر نکلا تو مجھے سیدنا زید بن ثابت رضی اللہ عنہ ملے، میں نے انہیں بلایا تو انہوں نے عرض کی: یا رسول اللہ! میں نے ستو کا ایک گھونٹ پیا ہے اور میرا روزہ رکھنے کا ارادہ ہے، اس پر رسول اللہ صلی اللہ علیہ وسلم نے فرمایا: ”میرا بھی روزہ رکھنے کا ارادہ ہے“، چنانچہ انہوں نے آپ صلی اللہ علیہ وسلم کے ہمراہ سحری کی، پھر آپ صلی اللہ علیہ وسلم نے دو رکعتیں ادا فرمائیں اور اس کے بعد باہر تشریف لائے تو نماز کھڑی کر دی گئی۔ [مسند أبي يعلى الموصلي/مسند أنس بن مالك/حدیث: 3030]