سیدنا انس بن مالک رضی اللہ عنہ سے روایت ہے، انہوں نے فرمایا: ”میں تمہیں یقیناً ایک ایسی حدیث سناؤں گا جو میں نے خود رسول اللہ صلی اللہ علیہ وسلم سے سنی ہے، اور میرے بعد اب کوئی دوسرا شخص تمہیں ایسی حدیث نہیں سنائے گا جس نے اسے براہِ راست رسول اللہ صلی اللہ علیہ وسلم سے سنا ہو؛ میں نے رسول اللہ صلی اللہ علیہ وسلم کو یہ فرماتے ہوئے سنا: «إِنَّ مِنْ أَشْرَاطِ السَّاعَةِ أَنْ يُرْفَعَ الْعِلْمُ، وَيَظْهَرَ الْجَهْلُ وَيُشْرَبَ الْخَمْرُ، وَيَفْشُوَ الزِّنَى، وَيَقِلَّ الرِّجَالُ، وَيَكْثُرَ النِّسَاءُ حَتَّى يَكُونَ لِخَمْسِينَ امْرَأَةً الْقَيِّمُ الْوَاحِدُ» ”یقیناً قیامت کی نشانیوں میں سے یہ ہے کہ علمِ دین اٹھا لیا جائے گا، جہالت و نادانی پھیل جائے گی، شراب نوشی کی جائے گی، بدکاری (زنا) عام ہو جائے گی، مردوں کی تعداد کم ہو جائے گی اور عورتیں اتنی بڑھ جائیں گی کہ پچاس عورتوں کی دیکھ بھال کرنے والا (نگران) صرف ایک مرد ہو گا“۔“ [مسند أبي يعلى الموصلي/مسند أنس بن مالك/حدیث: 3070]