سیدنا انس رضی اللہ عنہ سے روایت ہے کہ نبی کریم صلی اللہ علیہ وسلم سیدہ عائشہ رضی اللہ عنہا کے گھر تشریف لائے اور وہاں گوشت رکھا ہوا دیکھا تو ارشاد فرمایا: ”ہمارے لیے اس میں سے کچھ گوشت بھون لو“، گھر والوں نے عرض کی: اے اللہ کے رسول صلی اللہ علیہ وسلم ! یہ تو صدقہ کا گوشت ہے، تو رسول اللہ صلی اللہ علیہ وسلم نے ارشاد فرمایا: ”ہمارے لیے اس میں سے بھون لو، کیونکہ یہ اپنے مقام (یعنی مصرفِ حلال) تک پہنچ چکا ہے“۔ [مسند أبي يعلى الموصلي/مسند أنس بن مالك/حدیث: 3078]